कसरी मिल्यो प्रदीप र मिलनको झगडा ?

९ मंसिर, काठमाडौं । नेपाली चलचित्रका स्टार नायक प्रदीप खड्का र निर्देशक मिलन चाम्सबीचको झगडा मिलेको छ । चलचित्र लिलिबिली निर्माण हुँदा झगडा भएका दुई जना कलाकारबीच अहिले विवाद मिलेको हो ।

तर कसरी विवाद मिलेको छ ? भन्ने कुरा खुलेको छैन् । लिलीबिली निर्माण र निर्देशन गरेका चाम्सले नराम्रो घाटा व्यहोरेका थिए । महंगो बजेटमा विदेशमा छायांकन गरिएको चलचित्र फ्लप भएको थियो । यसको दोष मिलनले प्रदीपलाई लगाएको थियो ।

चलचित्रको प्रमोशन गर्नमा प्रदीपले साथ नदिँदा फिल्म असफल भएको मिलनको आरोप थियो । त्यसयता बोलचाल समेत ठप्प भएका दुई जनाबीच अहिले राम्रो सम्बन्ध छ । तर यो कसरी सम्भव भयो ? भन्ने खुलेको छैन् । दुई जनाबीच फेरि फिल्ममा सहकार्य हुने सम्भावना बढेको छ ।

प्रदीपले प्रेमगित ३ चलचित्रबाट अहिले धर्मराएको करियर उकासिने आशा गरेका छन् । त्यसअघि उनका लिलिबिली लगायत ३ वटा चलचित्र असफल भएका थिए ।