नबिल बैंक र दराज नेपालबीच सम्झौता, सारथी योजनामार्फत कर्जा लगानी हुने

९ मंसिर, काठमाडौं । नबिल बैंक लिमिटेड र दराज क्यामु प्रा लि.ले नेपालका साना तथा मझौला उद्यम (एसएमई) लाई सहयोग पुर्याउन एक विशेष सम्झौता पत्रमा हस्ताक्षर गरेका छन् ।

नबिल बैंक बैंकिङ्ग क्षेत्रमा सम्पूर्ण सेवा प्रदान गर्ने एक अग्रणी वाणिज्य बैंकको रुपमा रहेको छ भने दराज नेपाल, हजारौं विक्रेताहरूलाई ग्राहक समुदायसंग जाेड्ने इ-कमर्श स्टोरको रुपमा रहेको छ ।

यी दुवैकाे सहकार्यमा “सारथी” नामक वित्तीय कार्यक्रम सुरू भएकाे छ, जहाँ दराजका विक्रेताहरूले आकर्षक सुविधा तथा व्याजदरको नबिल एसएमई कर्जाको लागि आवेदन दिन सक्नेछन् । यो कार्यक्रम सबै एसएमई ग्राहकहरुका लागि बनाइएकाे छ, जसमा पुराना तथा नयाँ सबै ग्राहकहरुले आवेदन दिन सक्नेछन् ।

नबिल बैंकका डेपुटी सीईओ सुजित कुमार शाक्य र दराज क्यामु प्रा लिका प्रबन्ध निर्देशक, लिनो अल्हेरिङ्गले एक विशेष समारोहमा सम्झौता पत्रमा हस्ताक्षर गरेका हुन् । उक्त समारोहमा बोल्दै नबिल बैंकका डेपुटी सीईओ शाक्यले भने, “यो कार्यक्रम नेपालमा डिजिटल बजारको विकासको लागि निकै महत्वपूर्ण रहनेछ । हाम्रो मुख्य प्राथमिकता नेपालका एसएमईहरुलाई बिभिन्न लगानी कार्यक्रममार्फत आफ्नो व्यवसाय बिस्तारमा सहयोग पु¥याउनु रहेको छ ।

सारथी कार्यक्रमको लागि हामीले दाराजसँग सहकार्य गरेका छौं । हाम्रो विश्वास छ कि, यो वित्तीय कार्यक्रमले उनीहरूलाई कोभिड – १९ को कारणले आइपरेका कठिनाइहरू पार गर्न मद्दत पु¥याउछ र उनीहरूको व्यवसायलाई दीर्घकालीन स्थिरता र बृद्धिका लागि पुर्नजीवित गर्नेछ ।”

त्यस्तै, दराज क्यामु प्रा लि.का प्रबन्ध निर्देशकले भने, “सारथी कार्यक्रमलाई नबिल बैंकसंगको सहकार्यमा प्रस्तुत गर्न हामी धेरै उत्साहित छौ । हामीले लामो समयदेखि काम गरिसकेका छौं, अर्थतन्त्रमा कोभिड – १९ को प्रभावलाई ध्यानमा राखी यो कार्यक्रम अझ महत्वपूर्ण साबित भएको छ । योे नेपालमै पहिले क्रेडिट स्कोरिंगमा आधारित नौलो समाधान हाे र हामी यो रणनीतिक साझेदारीको शुरुवातमा छौं । नेपाली आर्थिक क्षेत्रलाई अझ मजबुत बनाउन हामी यस सारथी कार्यक्रममा नबिल बैंकसंग धेरै नजिकबाट काम गर्ने आशा गरिरहेका छौं ।”

आफ्नाे अनलाइन उपस्थिति गर्न इच्छुक व्यवसायीहरुले, सारथी कार्यक्रमको लागि तलको लिंक प्रयाेग गर्न सक्दछन्, जुन नबिल बैंक र दराजको संयुक्त रुपमा सहजीकरण गरिएको छ । क्लिक गरी लंकमा जानुहाेस् ।

नबिल बैंकले आफ्नो देशभर ११९ वटा शाखा कार्यालयहरु, १७५ ATM र १५०० भन्दा धेरै नबिल रेमिट एजेन्टहरु सहित विभिन्न देशमा रहेका ऐजेन्टको बृहत सञ्जाल मार्फत निरनतर गुणस्तरिय सेवा प्रवाह गरिरहेको संस्थागत संचार बिभाग प्रमुख कृष्ण सुवेदीले नेपालबहस डटकमलाई जानकारी दिए ।