दाङकी संक्रमित महिलाको बाँकेमा ज्यान गयो

१० मंसिर, काठमाडौं । बाँकेमा दाङकी ७७ वर्षीया एक महिलाको कोरोनाले ज्यान गएको छ । बाँकेको कोहलपुरस्थित नेपालगञ्ज मेडिकल कलेजमा उपचारको क्रममा उनको मृत्यु भएको हो ।

तुलसीपुर उपमहानगरपालिका–६ दाङ घर भएकी महिलाको गएराति सवा १२ बजे मृत्यु भएको हो । यही मंसिर ५ गते बिहान अस्पताल भर्ना भएकी उनमा भोलिपल्ट अपराह्न चार बजेतिर कोरोना संक्रमण पुष्टि भएको थियो ।