तपाईको आजको राशीफल कस्ताे छ ?

वि.सं. २०७७ साल मंसिर १४ गते । आइतबार . ई.स.२०२० नोभेम्बर २९ तारिक । शकसंवत् १९४२ । प्रमादी संवत्सर । दक्षिणायन । हेमन्त ऋतु । नेपाल संवत् ११४१ । कार्तिक शुक्लपक्ष । तिथि–चतुर्दशी,१२ बजेर ३९ मिनेट उप्रान्त पूर्णिमा । नक्षत्र–कृतिका,३० बजेर ३७ मिनेट उप्रान्त रोहिणी । योग–परिध, ११ बजेर ११ मिनेट उप्रान्त शिब । करण–वणिज,१२ बजेर ३९ मिनेट उप्रान्त भद्रा, २५ बजेर ३८ मिनेट उप्रान्त बव । आनन्दादिमा–धुम्र योग । चन्द्रराशी–मेष,१० बजेर ४८ मिनेट उप्रान्त बृष  । काठमाडौंमा सूर्योदय बिहान ०६ बजेर ३६ मिनेटमा, सूर्यास्त १७ बजेर ०६ मिनेटमा । दिनमान २६ घडी १३ पला । शिव–बैकुण्ड चतुर्दशी ।

मेष:-(‘चू,चे,चो,ला,लि,लू,ले,लो,अ’)

पतिपत्नी बीचको मधुर प्रेमाभावले दाम्पत्य जीवन सुखद हुनेछ । इष्टमित्र सहयोगी बन्नेछन् । बोलीमा मधुरता झल्कनेछ भने भाग्यशक्ति सुढूढ रहनेछ । धार्मिक चाहनाले थुप्रै तीर्थाटनको अवसर जुर्नेछ  । पापिय मनोवृति बिस्तारै हट्दै जानाले मन प्रफूल्लित बन्नेछ  । नोकरीमा ख्याति बढ्ने, कार्यको सर्वत्र प्रशंसा होला । राजनीतिले समाजमा सुयोग्य र कर्मठ बनाउँला । व्यापार व्यवसायले आर्थिक संकट निवारण गर्नेछ ।

बृष:- (‘ई,ऊ,ए,ओ,वा,वी,वू,वे,वो’)

अध्ययनमा सुधार भएर जानेछ भने अरुलाई पछाडि छोडेर अग्रपंतिमा आउन सकिनेछ । मेहनेत गर्दा आँटेको काम बन्नेछ भने जुझारु कार्यशैलीले लक्ष्य तथा गन्तव्य पहिल्याउन सहज हुनेछ । व्यवसाय फस्टाएर भने लगानीको नयाँ वातावरण बन्नेछ भने आम्दानीमा बढोत्तरीको योग रहेको छ । परिवारका साथ रमाईलो वातावरणमा स्वादिष्ट भोजन ग्रहण गर्ने अवसर प्राप्त हुनेछ । बैंक तथा बित्तीय क्षेत्रको शेयरबाट आम्दानी गर्न सकिनेछ ।

मिथुन:-(‘का,की,कू,घ,ङ,छ,के,को,हा’)

अर्थ संकलन तथा आर्थिक अवस्था कमजोर रहने हुँदा विदेश तथा विदेसँग सम्बन्धित कामहरु रोकिन सक्छ । तरपनि विदेशमा बसेर अध्ययन तथा श्रम गर्नेहरुका लागि भने समय फलदायी रहनेछ । बिदेशी लगानीमा सञ्चालित संस्थाबाट मनग्गे लाभ लिन सकिनेछ । मायाप्रेममा एक अर्कालाई बिश्वास गर्न नसक्दा लामो समयदेखिको सम्बन्ध टुट्न सक्छ । स्वास्थ्यको ख्याल गर्नुहोला । समय मध्यम रहेको छ ।

कर्कट:- (‘ही,हू,हे,हो,डा,डी,डु,डे,डो’)

भौतिक सम्पत्तिहरु जुट्नेछन् भने उपाहार प्राप्त हुने योग रहेको छ  । नयाँ कामहरु गरेर आम्दानीका स्रोतहरु बढाउन सकिनेछ । सरकारी सम्पत्ति तथा पैत्रिक सम्पत्ति हात लागि हुने प्रशस्त सम्भावना रहेको छ । दाजुभाई वा अग्रजहरुको सुझाव तथा सल्लाह मानेर अगाडि बढ्दा सफलता पाउन सकिनेछ । बिद्यामा राम्रो प्रगति हुने हुँदा पढाई लेखाईमा मन जानेछ । बौद्धिकता प्रयोग गरि समाजमा राम्रा काम गरेर देखाउन सकिनेछ भने आस मारेको काम बन्नाले उत्साह जाग्नेछ । बिहानको समय मध्यम रहेकोले व्यापारमा मन्दी आउनेछ ।

सिंह:-(‘मा,मी,मू,मे,मो,टा,टी,टू,टे’)

व्यापारमा लगानि गर्नुभन्दा अगाडि आफन्त तथा अग्रजसँग सल्लाह गर्नुहोला समय मध्ययम रहेकोछ । सरकारि सेवामा बसेर सेवा प्रबाह गर्नेहरुले तपाईको काम समयमा नगरि दिदा महत्वपूर्ण अवसरबाट बञ्चित हुनु पर्ने अवस्था आउन सक्छ ख्याल गर्नुहोला । तरपनि बिहानको समय उत्तम रहेकोले बिद्यार्थीहरुले पढाइ लेखाइमा भनेजस्तो नतिजा हात पार्नेछन् भने अध्ययनकै सवालमा लामो दुरिको यात्रा हुनेछ ।

कन्या:- (‘टो,पा,पी,पू,ष,ण,ठ,पे,पो’)

सामाजिक काम गरि समाजमा नाम तथा दाम दुवै कमाउन सकिनेछ । पढाई लेखाईमा सुधार भएर जाने तथा आफन्तहरुलाई खुशी पार्न सकिनेछ । आफ्नो रितिरिवाज जोगाउने काममा समय खर्च हुनेछ भने तीर्थ यात्राको प्रशस्त सम्भावना रहेको छ । व्यापार व्यावसायमा लगानी बढाई प्रशस्त नाफा कमाउने समय रहेको छ । प्रेम प्रसङगमा रमाउन चाहनेहरुका लागि दिन उत्तम रहेको छ ।

तुला:- (‘रा,री,रु,रे,रो,ता,ती,तू,ते’)

बिहानको समय राम्रो रहेकोले एकल तथा साझेदारी व्यापार व्यवसायमा लगानी गरि प्रशस्त नाफा कमाउन सकिने छ । पढाई लेखाईमा भनेजस्तो नतिजा हात लाग्ने हुनाले आफन्त तथा अग्रजहरु खुशी रहनेछन् । मध्यान्हबाट समय मध्ययम रहेकोले सोख तथा बिलाशिताले खर्च बढाउनेछ भने आम्दानी कम हुनेछ । असम्यम् व्यवहारले समस्या निम्त्याउन सक्छ, ध्यान दिनुहोला । आलश्य तथा अस्वस्थताले लक्ष्यमा बिलम्ब हुनेछ ।

बृश्चिक:- (‘तो,ना,नी,नू,ने,नो,या,यी,यू’)

एकल तथा साझेदारी व्यापार व्यावसायमा लगानी गरी प्रशस्त नाफा कमाउन सकिनेछ । पढाई लेखाईमा भनेजस्तो नतिजा हात लाग्ने हुनाले आफन्त तथा अग्रजहरु खुशी रहनेछन् । पारिवारिक यात्राका क्रममा स्वादिष्ट भोजन ग्रहण गर्ने अवसर प्राप्त हुनेछ । मायाप्रेममा सामिप्यता बढेर जानेछ भने पतिपत्नी बीच मायाको डोरो कसिलो हुनेछ । तरपनि मुद्दा मामिलामा सहभागी नहुनु नै राम्रो रहनेछ ।

धनु:- (‘ये,यो,भा,भी,भू,ध,फा,ढा,भे’)

बिहानको समय राम्रो रहेकोले माया प्रेममा सामिप्यता बढेर जानेछ । अध्ययनमा सुधार गर्दै नतिजा आफैतिर ल्याउन सकिनेछ । मध्यान्हबाट जीवनशैली व्यस्त रहेपनि आर्थिक पक्ष कमजोर रहनेछ । कुनैपनि विवादमा सामेल नहुनुहोला, हुलमुलमा फस्ने तथा नराम्रा परिणामको सामना गर्नु पर्नेछ । आफन्त तथा मामा मावली पक्षसँग नजिक नहुनु तथा आजको दिन सँगै काम नगर्नु नै राम्रो रहेको छ ।

मकर:- (‘भो,जा,जी,जू,जे,जो,ख,खी,खू,खे,खो,गा,गी’)

अध्ययनमा प्रशस्त समय दिन सकिनेछ भने नतिजा आफैतिर ल्याउन सकिनेछ । तपाईको ईमान्दारिताको कदर सबैले गर्नेछन् । बन्द व्यापार फस्टाएर जाने हुनाले मनग्गे लाभ लिन सकिनेछ । अप्ठ्यारा तथा असजिला परिस्थितिलाई सहजै बुद्धिमता पुर्वक निराकरण गर्न सकिनेछ । प्रेममा सामिप्यता बढ्ने तथा उपाहार प्राप्तीको योग रहेकोछ । सन्तान तथा आफन्तबाट सहयोग रहने हुनाले मन प्रशन्न रहनेछ ।

कुम्भ:- (‘गू,गे,गो,सा,सी,सू,से,सो,दा’)

भौतिक सम्पत्ति तथा बिलासी वस्तुको व्यापार कमै हुनेछ भने कृषि, सहकारी तथा पशुपालन व्यवासाय फस्टाएर जानेछ । आमा तथा आफन्तसँग सानो सानो कुरामा मनमुटाब बढ्ने तथा टाढिएर टाढाको यात्राको तय गर्नु पर्नेछ । पढाई लेखाईमा मन नजाने तथा खोजमुलक क्षेत्रको कामहरु थाती रहनेछन् । राजनीति तथा समाजसेवीहरुले समाजमा काम देखाउन नसक्दा बिश्वास जित्न अलि बढी नै समय खर्चनु पर्नेछ ।

मीन:- (‘दी,दू,थ,झ,ञ,दे,दो,चा,ची’)

बिहानको समय राम्रो रहेकोले गीत संगीतको क्षेत्रमा समय लगानी गर्नेहरुका लागि समयले साथ दिनेछ । होटल तथा रेष्टुरेन्ट पेशा व्यवसायमा आवद्ध रहनु भएकाहरुका लागि समयले साथ दिनेछ । मध्यान्हबाट समय मध्यम रहेकोले स्वास्थ्यमा समस्या आउन सक्छ, ध्यान दिनुहोला । कुनै पनि विवाद तथा अदालती प्रक्रियामा सामेल नहुनु होला । तपाईको पक्षमा निर्णय नआउन सक्छ । तपाईको दिन शुभ रहोस् ।

♦ज्योतिषी गणेश काफ्ले  ।