वाणिज्य बैंकमा ठूलो उछाल, आजको वृद्धिलाई विश्लेषण गरेर हेर्दा !

१४ मंसिर, काठमाडाैं । वाणिज्य बैंक र विकास बैंकमा उछाल आएसँगै साताको पहिलो कारोवार दिन नेप्से परिसूचक ७५ दशमलव ०२ अंकले वृद्धि हुँदै १९६८ दशमलव २७ को विन्दुमा बन्द भएको छ ।  आज २०० कम्पनीको शेयर कारोवार हुँदा ९ अर्ब २२ करोडको शेयर कारोवार भएको छ । नेप्से परिसूचक ३ दशमलव ९६ प्रतिशतले वृद्धि भएको छ ।

आज शेयरबजारलाई वाणिज्य बैंक उपसुचकले ड्राईभ गरेको थियो । वाणिज्य बैंक उपसुचकमा ७ दशमलव ८१ प्रतिशतको वृद्धि देखिएको थियो भने विकास बैंक उपसुचकमा ८ दशमलव ११ प्रतिशतको वृद्धि देखिएको थियो । वाणिज्य बैंकहरुमा सर्किट मूल्यमा पनि अत्याधिक खरिदकर्ताको उपस्थिति थियो ।

बजारमा लगानीकर्ताहरु वाणिज्य बैंकतर्फ उन्मुख भएको प्रस्ट देख्न सकिन्छ।  धेरै लामो समयपछि वाणिज्य बैंक उपसुचकमा लगानीकर्ताहरु यति धेरै आकर्षित भएको अवस्था छ । लाभांशको मामलामा अण्डर भ्यालुड वाणिज्य बैंकहरुमा उछाल आउनुमा बजारको अहिलेको वृद्धि परिपक्व बन्दै गएको देखिन्छ।

दोश्रो बजार १९१२ को विन्दुमा खुलेकोमा बजारको न्यून विन्दु पनि त्यही रहेको छ भने बजारको उच्च  विन्दु १९७१ रहेको छ।  अन्तिम समयमा बजारमा राम्रै खरिदकर्ताका साथ बजार बन्द भएको छ।

आज केही ब्रोकरहरुले वाणिज्य बैंकको शेयर सर्कीट मूल्यमा आक्रामक रुपमा ठूला-ठूला कित्ता बेच्न खोजेको भए पनि खरिदकर्ताहरुको निकै बलियो उपस्थिती हुँदा बिक्रीकर्ताहरुकाे अवस्था  फितलो देखिएको थियो ।  धेरै लामो समयदेखि शेयर आपुर्तिको शिकार बनेका ग्लोबल बैंक, प्रभु बैंकहरुमा पनि सर्कीट लेभलमा अन्तिमसम्म पनि आक्रामक खरिदकर्ताहरु थिए ।

आज सर्वाधिक कारोवार हुने ५ कम्पनीहरु :

आज सर्वाधिक कमाउने ५ कम्पनीहरु :

आज सर्वाधिक गुमाउने ५ कम्पनीहरु :

(नोट : निर्णय लिनु अघि थप अनुसन्धान गर्नु होला ! नेपालबहसको शेयर बिश्लेषण गर्ने शाखाले प्राविधिक र आधारभूत औजारको प्रयोग गरेर बिश्लेषण गरिएको हो। नाफा-नोक्सानको जिम्मेवार नेपालबहस हुने छैन। )