महासचिव पौडेललाई फेसबुक भरी व्यङगात्मक शुभकामना

१६ मंसिर, काठमाडौं । नेकपाका महासचिव एवं अर्थमन्त्री विष्णुप्रसाद पौडेललाई जन्मदिनको शुभकामना दिंदै मंगलबारको पार्टी सचिवालयको बैठक बालुवाटारमा शुरु भएको छ । प्रधानमन्त्री तथा अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’, उपप्रधानमन्त्री ईश्वर पोखरेलका साथै वरिष्ठ नेताहरूले केक खुवाएर महासचिवलाई जन्मदिनको बधाई तथा स्वस्थ जीवनको शुभकामना व्यक्त गरेका हुन् ।

उक्त अवसरमा पार्टी उपध्यक्ष बामदेव गौतमले १०० बर्ष बाँच्नुहोस् र राम्रो काम गरेर जानुहोला भन्दै शब्दमा शुभकामना दिएका छन् ।प्रधानमन्त्रीका प्रेस सल्लाहकार सुर्य थापाले महासचिवकाे जन्मदिन बारे फेसबुकमार्फत जानकारी दिएपछि धेरै आफन्त तथा शुभचिन्तकले पौडेललाई शुभकामना दिएका छन् ।

थापाको फेसबुकबालमा कमेन्ट गर्नेहरुले पौडेललाई जन्मदिनको शुभकामना रोचक र घोचक शैलीमा दिएका छन् । उनीमाथि व्यङगात्मक तरिकाले शुभकामना दिएकाले बालुवाटार जग्गा प्रकरणमा मुछेका छन् ।

कतिपयले त सुकुम्बासी थिए भन्दैमा अवसर पाउना साथ बालुवाटारको जग्गा नै आफ्नो नाममा सार्ने दिमागबाट छुटकारा मिलोस् भन्दै जन्मदिनको शुभकामना दिएका छन् । फेसबुकमा प्रित्तम अर्याल नाम गरेका एक व्यक्तिले आजको बैठक जन्मदिन मनाउन मात्रै डाकिएको की अरु पनि छन बिषयबस्तु ? कामरेड पौडेललाई वालुवाटर जस्तै २ / ४ ओटा सरकारी जग्गा सुकुमबासी हुँदै हड़पनु शुभकामना ।

यस्तै तिवारी आरकेले जन्मदिनको शुभकामना, धेरै बाच्नु नेपाललाई पहिलाको इथोपिया जस्तो बनाउनु, नेपालीलाई इथोपियन जस्तै बनाउनु ,अरु भोक्ले मर्छ्न अनि आफू त्यो भोकले मरेको शरीर माथी नाच्नु अनि त्यही नेपाली लासमाथि गिद्धले सिनो लुछे जस्तो लुस्नु, अझै धेरै बाच्नु नेपाल भन्ने देश नै नहरहने गरि बाच्नु इस्ट्मित्र सबैलाई काखी च्याप्नु, अरुलाई नाङ्गो झारपार्नु, सधै भरी बाँचिरहनु भन्दै व्यङ प्रहार गरेका छन् ।

राजा ज्ञानेन्द्रको शासनकालमा ज्ञानेन्द्रले जन्मदिन मनाउदा अनि केक काट्दा सामन्ती, जनताको करबाट मस्ती गरेको छन् भन्ने दलहरू नै हैन आज गणतन्त्रमा यो सामान्य हुँदो रहेछ । जन्मदिनको शुभकामना यहाँलाई भनेर कमल अर्यालले लेखेका छन् ।

कसले कसरी दिए शुभकामना हेर्नुस  ,,,,