ज्योति विकास बैंकद्वारा स्क्यान एन्ड विथड्रअ सेवाको शुरुवात

१७ मंसिर, काठमाडौं । ज्योति विकास बैंक लिमिटेडले ‘स्क्यान एन्ड विथड्रअ’ सेवा संचालनमा ल्याएको छ। सो सेवा अन्तर्गत ग्राहकहरुले आफ्नो मोबाइल फोनमा भएको (Jyoti Smart App) मार्फत बैंकको काउन्टरमा रहेको क्यु आर कोड (QR Code) स्क्यान गरि आफ्नो खाताबाट सजिलै रकम झिक्न सक्नेछन् ।

स्क्यान एन्ड विथड्रअमार्फत काउन्टरमा भएको क्यू आर कोड स्क्यान गरी चेकको प्रयोग बिना नै खाताबाट रकम झिक्न सकिने बैंकले जनाएकाे छ । बैंकले यो सेवा देश भरिका १०५ वटै शाखा कार्यालयबाट एकैपटक शुरुवात गरेको छ। सो सेवा संचालन पश्चात ग्राहकहरुले अब बैंक गएर पैसा झिक्न चेक अथवा एटीएम कार्ड बोकिरहनुपर्ने छैन् ।

आधुनिक बैंकिंग प्रविधिलाई आत्मसाथ गर्दै डिजिटल बैंकिङलाई थप सुदृढ बनाउनुका साथै ग्राहकहरूलाई सहज र छिटो सेवा प्रदान गर्ने हेतुले यो सेवा प्रयोगमा ल्याईएको हो।

हाल ज्योति विकास बैंकले १०५ शाखा कार्यालय, १ एक्सटेन्सन काउन्टर तथा ६१ वटा एटीएममार्फत सेवा उपलव्ध गराउँदै आईरहेको छ। हालसम्म बैंकले ३ लाख भन्दा बढि खाताबाट करिब रु ४२ अर्ब निक्षेप संकलन गरी २० हजारभन्दा बढि ऋणीलाई करिब रु  ३४ अर्व ६० करोड लगानी गर्न सफल भएको बैंकका सूचना अधिकारी रामहरि आचार्यले बताए ।