महालक्ष्मी विकास बैंकको भिषा कन्ट्याक्टलेस सेवा सञ्चालनमा

१७ मंसिर, काठमाडौं । महालक्ष्मी विकास बैंक लिमिटेडले भिषा कन्ट्याक्टलेस (Visa Contactless) कार्ड सेवा सञ्चालनमा ल्याएको छ । भिषा कन्ट्याक्टलेस कार्ड Near Field Communication (NFC) मा आधारित प्रविधि हो जसमा प्रत्यक्ष स्पर्श नगरिकन सरल तथा छरितो तरिकाले पीओएस टर्मिनल (-POS Terminal) बाट रकम भुक्तानी गर्न सकिन्छ ।

महालक्ष्मी विकास बैंकले भिषा कन्ट्याक्टलेस कार्ड सुविधा सञ्चालनमा ल्याउने विकास बैंकहरु मध्ये प्रथम बैंक हो । यस कार्डको प्रयोगबाट विश्वभर फैलिएको कोभिड–१९ को संक्रमण रोकथाम र नियन्त्रणमा विशेष सहयोग पुग्ने विश्वास बैंकले लिएको छ । बैंकले नयाँ प्रविधिको सुरुवात गरी आफ्ना ग्राहकहरुलाई आधुनिक बैंकिङ अनुभव दिन खोजेको जनाएको छ ।

देशका सहरी तथा ग्रामीण क्षेत्रका विभिन्न स्थानहरुमा १०३ वटा शाखाहरुमार्फत सेवा प्रदान गरिरहेको महालक्ष्मी विकास बैंकको ग्राहक संख्या करिब पाँच लाख रहेको छ ।