विरोध प्रदर्शन गर्न रोक लगाउने प्रशासनविरुद्ध कांग्रेस बीपीको कडा आपत्ति

१७ मंसिर, काठमाडौैं । नेपाली कांग्रेस बीपीले कोरोना भाइरसको जोखिम बढेको भन्दै जिल्ला प्रशासन कार्यालय काठमाडौंले राजनैतिक गतिविधि सभा, जुलुस, प्रदर्शन तथा भीडभाडजन्य गतिविधिमा रोक लगाउने निर्णय गरेकाेमा आपत्ति जनाएको छ ।

पार्टी कार्यालयका सचिव सुशीलराज वाग्लेले एक विज्ञप्ति जारी गर्दै सडकमा जनताद्वारा भ्रष्ट्रचार, अनियमिता, राष्ट्रघाती कदम, गणतन्त्र, धर्म निरपेक्षता, महगो संघियताकाे खारेजीसहित भइरहेको प्रदर्शनबाट सरकार आत्तिएर प्रदर्शन गर्न रोक लगाएको बताएका छन् ।

काठमाडौं जिल्ला प्रशासन कार्यालयले मिति मंसिर १६ गते कोरोना भाइरसको बाहना बनाई राजनैतिक गतिविधि, सभा, जुलुस, प्रदर्शन तथा भीडभाडजन्य गतिविधिमा रोक लगाउने निर्णय गरेको आरोप लगाएको छ ।

नेपाली कांग्रेस वीपीले भ्रस्टाचार, संवैधानिक राजसंस्था, धार्मिक स्वतन्त्रतासहितको हिन्दु राष्ट्र, महगो संघीय गणतन्त्रको व्यवस्था खारेजीको माग गर्दै आन्दोलन गर्नु गलत हो भनी प्रश्न गर्दै सम्पुर्ण राजनैतिक पार्टी, देशभक्त, राष्ट्रभक्त, राष्ट्रवादी, प्रजातन्त्रवादी, नागरिक समाज, पत्रकार, लेखक पेशागतकर्मी, कर्मचारी, विद्यार्थी, किसान मजदुर कलाकार एकजुट भै जनता भन्दा ठुलो सरकार नभएको संदेश आन्दोलनबाट दिन सबैमा कार्यालय सचिव वाग्लेद्वारा हस्ताक्षरित विज्ञप्तिमा अपिल गरिएको छ ।

साथै कांग्रेस बीपीले यो निर्णय फिर्ता लिन माग पनि गरेको छ ।