पक्राउ परेको भोलिपल्ट तनहुँमा रामचन्द्र पौडेलले गरे बुल्दीखोला पुलको उद्घाटन

१८ मंसिर, दमौली । विवादित बनेको तनहुँको बुल्दीखोला पुलको उद्घाटन भएको छ । नेपाली कांंग्रेसका वरिष्ठ नेता रामचन्द्र पौडेलले विहीबार ब्यास नगरपालिकाको बुल्दीखोलाको पुल उद्घाटन गरेका हुन् । त्यही पुल उद्घाटन गर्न गएका पौडेल बुधबार पक्राउ परेका थिए ।

बुधबार जिल्ला प्रशासन कार्यालयले पुल क्षेत्रमा निषेधाज्ञा जारी गरी पौडेललाई पुल उद्घाटन गर्न नजान आग्रह गरेको थियो । तर पौडेल पुल उद्घाटन गर्न जाँदा नियन्त्रणमा लिई ३ घण्टापछि छाडेको थियो ।

बिहीबार नेपाली कांग्रेसका नेताहरुको तामझाममा पौडेलले पुलको उद्घाटन गरे । पौडेल पक्राउ परेपछि प्रशासनको चौतर्फी आलोचना भएको थियो ।