आज थप १३४३ जनामा संक्रमणको पुष्टि, २१११ कोरोनामुक्त

१८ मंसिर, काठमाडौं । नेपालमा पछिल्लो २४ घण्टामा देशभर थप १ हजार ३ सय ४३ जनामा कोरोना भाइरस संक्रमणको पुष्टि भएको छ ।स्वास्थ्य तथा जनसंख्या मन्त्रालयका अनुसार देशभरका बिभिन्न प्रयोगशालामा ९ हजार २ सय ८९ सय जनाको पीसीआर बिधिबाट गरिएको नमुना परीक्षणका क्रममा थप १ हजार ३ सय ४३ जनाको कोरोना भाइरस पोजेटिभ आएको हो ।

यो संगै नेपालमा कुल संक्रमितको संख्या २ लाख ३७ हजार ५८९ पुगेको छ । हालसम्म देशभर सक्रिय संक्रमितको संख्या १५ हजार ७ सय ६६ रहेको छ । त्यसैगरी पछिल्लो चौबिस घण्टामा देशभर थप २ हजार १ सय ११ जना कोरोनामुक्त भएका छन् ।

यो सहित कोरोनामुक्त हुनेको संख्या २ लाख २० हजार २ सय ७२ पुगेको छ । पछिल्लो चौबिस घण्टामा कोरोना संक्रमणबाट थप १३ जनाको निधन भएको छ । हालसम्म नेपालमा कोरोना संक्रमणबाट निधन हुनेको संख्या १ हजार ५ सय ५१ पुगेको छ ।