दाङका दुई संक्रमितको बाँकेमा ज्यान गयो

१९ मंसिर, बुटवल । दाङका दुईजना कोरोना संक्रमितको बाँकेमा ज्यान गएको छ । तुलसीपुर उपमहानगरपालिका–११ का ४५ वर्षीय पुरुष र तुलसीपुरकै ८१ वर्षीय पुरुषको उपचारको क्रममा ज्यान गएको हो ।

कोरोना संक्रमण पुष्टि भएपछि मंसिर ४ गते बाँकेको नेपालगञ्जस्थित भेरी अस्पतालमा भर्ना भएका तुलसीपुरका ४५ वर्षीय पुरुषको बिहीबार राति ९ बजे मृत्यु भएको हो । यस्तै तुलसीपुरकै ८१ वर्षीय पुरुषको नेपालगन्ज मेडिकल कलेज कोहलपुरमा बिहीबार राति १०ः४५ बजे मृत्यु भएको हो ।

यससँगै दाङमा कोरोना संक्रमणबाट ज्यान गुमाउनेको संख्या ३३ पुगेको छ ।