सशस्त्र प्रहरीका सहायक हवल्दार घुससहित रङ्गेहात पक्राउ

१९ मंसिर, बुटवल । कपिलवस्तुबाट सशस्त्र प्रहरीका सहायक हवल्दार ३५ हजार घुससहित पक्राउ परेका छन् । सशस्त्र प्रहरी बल, बोर्डर आउट पोष्ट, कृष्णनगरका सशस्त्र प्रहरी सहायक हवल्दार लिलबहादुर गुरुङ घुस रकमसहित रङ्गेहात पक्राउ परेका हुन् ।

अख्तियार दुरुपयोग अनुसन्धान आयोग बुटवलको टोलीले कृष्णनगर नगरपालिका वडा नं.२ गोलघरस्थित मिलन रेष्टुरेन्ट एण्ड दुर्गा गेष्ट हाउसबाट गुरुङलाई घुस रकम लिइरहेको अवस्थामा नियन्त्रणमा लिएको हो ।

घरायसी सामान ओसारपसारमा सहजीकरण गरिदिए बापत सेवाग्राहीसँग घुस रकम लिइसकेको अवस्थामा पक्राउ गरिएको कार्यालयका सूचना अधिकारी सुरेश भुसालले जानकारी दिए ।