फिस्टेल अस्पतालमा उपचारत तीन कोरोना संक्रमितको मृत्यु

२० मंसिर, काठमाडौं । कास्कीको पोखरा फिस्टेल अस्पतालमा दुई जना र पोखरा स्वास्थ्य विज्ञान प्रतिष्ठानमा एकजना कोरोना संक्रमितको उपचारको क्रममा मृत्यु भएको छ ।

पोखरास्थित फिस्टेल अस्पतालमा पोखरा महानगरपालिका १२ का ८० वर्षीय पुरुषको शनिबार मृत्यु भएको छ । भने सोही महानगरपालिका११ की ७२ वर्षीया महिलाको शुक्रबार राति मृत्यु भएको डा. शर्माले बताए । ८० वर्षीय पुरुषमा मंसिर १६ गते कोरोना संक्रमण पुष्टि भएको थियो भने ७२ वर्षीय महिलामा मंसिर १८ गते संक्रमण पुष्टि भएको थियो ।

पोखरा स्वास्थ्य विज्ञान प्रतिष्ठानमा पोखरा महानगरपालिका १७ का ५७ वर्षीय पुरुषको शनिबार बिहान ४ बजे मृत्यु भएको डा.शर्माले बताए । उनीमा कात्तिक २८ गते कोरोना संक्रमण पुष्टि भएको थियो । उनी मधुमेहका बिरामी समेत थिए । योसँगै गण्डकी प्रदेशमा कोरोना संक्रमणबाट मृत्यु हुनेको संख्या १६६ पुगेको छ ।