शेयरबजारमा के कारण गयो ६ प्रतिशतको पहिरो ? पहुँच नभएका लगानीकर्ता मारमा

२१ मंसिर, काठमाडाैं । नेप्से परिसूचक आज १२३ दशमलव ३४ अंकले घट्दै १९३२ दशमलव ११ को विन्दुमा बन्द भएको छ । नेप्से परिसूचक ६ प्रतिशतले घट्दा शेयरबजार ३ बजे भन्दा अगाडि नै बन्द भएको छ । नेप्से परिसूचकमा ६ प्रतिशतको घटबढ हुँदा शेयरबजार त्यो दिनको लागि बन्द हुन्छ र अर्को दिन मात्र कारोवार हुने गर्छ।

बिहीवार भएको मौद्रिक नीति समिक्षाको कारण शेयरबजार घट्न पुगेको जानकार बताउँछन् । राष्ट्र बैंकले मौद्रिक नीतिमार्फत शेयर धितोमा ७० प्रतिशतसम्म ऋण पाउने भनेकोमा बैंकबाट शेयर धितोकर्जामा अत्याधिक ऋण प्रवाह भएकोले नेपाल राष्ट्र बैंकले यो सीमा पुनरावलोकन  गर्ने जनाएको थियो । जसको फलस्वरूप लगानीकर्ताहरु केही आत्तिएका थिए ।

मौद्रिक नीति अनुसार शेयर धितोमा ७० प्रतिशतसम्म कर्जा पाईन्छ भने १२० दिनको औसत मूल्यको आधारमा शेयर कर्जा प्रवाह गरिन्छ ।

नेपाल राष्ट्र बैंकको नीतिले गर्दा अहिलेको शेयरबजार अस्थिर भएको छ ।  राष्ट्र बैंकले दीर्घकालीन नीति ल्याउन नसक्नु र छोटो-छोटो समयमा बजारलाई असर पार्ने तत्वहरुलाई चलाउँदा शेयरबजारमा अत्याधिक प्रभाव परेको देखिन्छ । एक लगानीकर्ताका अनुसार शेयरबजार केही बढ्न थालेपछि सबै तिरबाट प्रहार हुन्छ ।

बजार वृद्धि भएको बेला धितोपत्र बोर्डले लगानीकर्तालाई सचेत गराएकोमा अहिले नेपाल राष्ट्र बैंकको कारण बजारमा नराम्रो असर परेको छ । यो प्रवृत्तिबाट ठूला लगानीकर्ता भन्दा पनि साना लगानीकर्तालाई धेरै असर पर्ने देखिन्छ । ठूला लगानीकर्ताको सबै तिर पहुँच हुने तर साना लगानीकर्ताहरु भने बजारमा सुचना आएपछि शेयर कारोवार गर्ने गर्छन।

मौद्रिक नीतिको समिक्षा आउनु पुर्व बजारमा केही बिक्री चाप देखिएको थियो।  बिहीवार नेप्से परिसूचकमा करेक्सन देखिएको थियो।

आज १९७ कम्पनीको शेयर कारोवार हुँदा ७ अर्ब २० करोडको शेयर कारोवार भएको छ । ७ अर्ब कारोवार मध्य १ अर्ब माथिको कारोवार नेपाल पुनर्बीमा कम्पनीको भएको थियो ।

दोश्रो बजार २०५१ को विन्दुमा खुलेकोमा बजारको उच्च विन्दु पनि त्यही रहेको छ । बजार खुलेबाट नै निरन्तर घटेको थियो । बजार बन्द हुँदा ईण्ट्राडे लो बनाएर बन्द भएको छ । बजारको न्यून विन्दु १९३२ रहेकोमा बजार त्यही विन्दुमा बन्द भएको हाे ।

आज सर्वाधिक कारोवार हुने ५ कम्पनीहरु :

आज सर्वाधिक कमाउने ५ कम्पनीहरु :

आज सर्वाधिक गुमाउने ५ कम्पनीहरु :

(नोट : निर्णय लिनु अघि थप अनुसन्धान गर्नु होला ! नेपालबहसको शेयर बिश्लेषण गर्ने शाखाले प्राविधिक र आधारभूत औजारको प्रयोग गरेर बिश्लेषण गरिएको हो। नाफा-नोक्सानको जिम्मेवार नेपालबहस हुने छैन। )