‘जादुगरी बल्ब’ किनाएर ९ लाख भारतीय रुपैयाँ ठगी

२२ मंसिर, एजेन्सी । भारतको राजधानी दिल्लीमा एक व्यवसायीलाई केही ठगहरुको समुहले ‘जादुगरी बल्ब’ किनाएर ९ लाख भारतीय रुपैयाँ ठगी गरेका छन् । उनलाई तीन युवकहरुले ती व्यवसायीलाई उक्त बल्बका माध्यमले सुन जस्ता महंगा धातुहरु प्राप्त हुने र घरमा समृद्धि आउने बताएका थिए ।

आरोपीले विशेष चुम्बकले फरक फरक तरिकाले बल्ब बालेर ती कारोबारीको विश्वास जितेका थिए । व्यापारीलाई बल्ब ९ लाखमा बेचेर ती ठगहरु फरार भएका थिए । कोरोना भाइरसको महामारीका कारण आफ्नो व्यवसाय घाटामा जाँदा व्यवसासी सजिलै धेरै पैसा कमाउन चाहन्थे ।

यो घटना तीन आरोपीहरु छुटकन खान, मासुम खान र इरफान खान विरुद्ध प्रहरी कार्यालयमा उजुरी परेपछि सार्वजनिक रुपमा बाहिर आएको हो । ठगहरुले ठगिएका व्यवसायीको ना मभने नितेश मल्होत्रा रहेको बताइएको छ ।

भारतीय मिडिया द टाइम्स अफ इन्डियाको समाचार अनुसार ती ठगहरु मध्ये एक जनाले मल्होत्रालाई ‘जादुगरी बल्ब’ किन्न सुझाव दिएका थिए । ती व्यवसायीले बिना कुनै द्विविधा उक्त साधारण बल्ब ९ लाख भारतीय रुपैयाँमा किनेका थिए ।

यस बिषयमा जिल्लाका एसएसपी विजय ढुलले आरोपी मध्ये एक इरफानका विरुद्ध आधा दर्जन ठगीका मुद्धा दर्ता भएको बताए । यहि अक्टुबरमा दुई व्यक्तिले मेरठ भन्ने स्थानमा बेलायतबाट आएका एक डाक्टरलाई एक करोड रुपैयाँमा ‘अलादिनका चिराग’ बेचेका थिए ।