ओलीले बोलाएको सर्वदलीय बैठक सुरू

२३ मंसिर, काठमाडौं । प्रधानमन्त्री केपी ओलीले बोलाएको सर्वदलीय बैठक सुरू भएको छ । बैठकमा पछिल्लो राजनीतिक घटनाक्रमका विषयमा छलफल हुँदै छ ।

प्रधानमन्त्रीको सरकारी निवास बालुवाटारमा सुरू भएको बैठकमा संसदमा प्रतिनिधित्व गर्ने राजनीतिक दलहरुका प्रतिनिधिहरु र पूर्वप्रधानमन्त्रीको उपस्थिति छ।

पछिल्लो समय देशभर राजवादीको आन्दोलन चर्किएपछि गणतन्त्र पक्षधरहरु एक ठाउँमा हुनुपर्नेमा जोड दिँइदै आएको छ । गत शनिबारमात्रै प्रधानमन्त्रीको गृह जिल्ला झापासहित देशका विभिन्न स्थानमा राजावादीले प्रदर्शन गरेका थिए ।

बालुवाटार स्रोतका अनुसार सर्वदलीय बैठकमा मुलतः राजावादीहरुले गरेको पछिल्लो आन्दोलनका विषयमा छलफल हुने छ।