आज थप १३८२ जनामा कोरोना पुष्टि, २३ संक्रमितको मृत्यु

२३ मंसिर, काठमाडौं । पछिल्लो २४ घण्टामा देशभर १ हजार ३८२ कोरोना भाइरस संक्रमित भेटिएका छन् । स्वास्थ्य तथा जनसंख्या मन्त्रालयका अनुसार २४ घण्टामा देशभर ८ हजार ९५० जनाको पीसीआर परीक्षण हुँदा १ हजार ३८२ जनालाई कोरोना पोजेटिभ देखिएको छ ।

आज थपिएकासँगै नेपालमा कोरोना संक्रमितको संख्या २ लाख ४३ हजार ३७७ पुगेको छ । संक्रमण पुष्टि भएकामध्ये २ लाख २९ हजार ५४ जना निको भएका छन् । २४ घण्टामा १६३७ संक्रमित कोरोनामुक्त भएका छन् ।

यस्तै २३ जना कोरोना संक्रमितको मृत्यु भएको छ । हालसम्म कोरोना संक्रमित मृतकको संख्या १ हजार ६३७ पुगेको छ । सक्रिय संक्रमितको संख्या १२ हजार ६८६ रहेको छ ।