प्रदेश सरकारद्वारा ओएण्डएम संशोधित, २३ कार्यालय यथावत्
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
मंसिर २५, २०७७ बिहिबार ६:५०:२
![](https://nepalbahas.prixacdn.net/media/albums/Karnali_Pradesh_A29iWPDsIX.jpg)
२५ मंसिर, कर्णाली । अदालतको आदेशपछि कर्णाली प्रदेश सरकारले वन मन्त्रालयको सङ्गठन संरचना तथा व्यवस्थापन ‘ओएण्डएम’ संशोधन गरेको छ । सरकारले वन तथा भूसंरक्षणतर्फका २३ कार्यालयलाई यथावत राख्दै फाजिल कर्मचारीलाई जिम्मेवारी दिन साङ्गठनिक संरचना संशोधन गरेको हो ।
प्रशासनिक खर्च कम गर्ने उद्देश्यले सरकारले नयाँ सङ्गठन तथा व्यवस्थापन कार्यान्वयन गरेपछि वन तथा भूसंरक्षण तर्फका कर्मचारी फाजिलमा थिए । प्रदेश सरकारको उक्त निर्णयविरुद्ध वन सेवाका कर्मचारीले उच्च अदालतमा रिट दायर गरेपछि अदालतले उनीहरुको पक्षमा आदेश दिएको हो ।
अदालतको आदेश कार्यान्वयनका लागि उद्योग, पर्यटन, वन तथा वातावरण मन्त्रालयले २३ वटा कार्यालयलाई यथावत राख्ने गरी मन्त्रिपरिषद्मा प्रस्ताव पेश गरेको थियो । वन निर्देशनालयका निर्देशक शिवराम अधिकारीले मन्त्रिपरिषद् बैठकले मन्त्रालयको प्रस्तावलाई स्वीकृत गरेसँगै वन तथा भूसंरक्षणतर्फका कार्यालय यथावत रहने जानकारी दिए ।
वन निर्देशक अधिकारीका अनुसार संशोधित संरचनामा हालको वन तथा वातावरण निर्देशनालयको ठाउँमा वन निर्देशनालय र यसअघि समायोजनमा परेका भू तथा जलाधार व्यवस्थापन कार्यालय सुर्खेत र जुम्लालाई यथावत रााखिएको छ । त्यस्तै, डिभिजन वन कार्यालय भेरी, बाबियाचौर र १९ वटा सब–डिभिजन कार्यालय छन् । यसअघि प्रदेश सरकारले १० जिल्लाका ५८ सब–डिभिजनलाई ३९ वटा कार्यालयमा झारेको थियो । संशोधनपछि अब सबै जिल्लामा ५८ वटै वनका सब–डिभिजन कार्यालय रहनेछन् ।
प्रदेश सरकारको यस निर्णयबाट वन तथा भूसंरक्षण सेवाका कर्मचारीले स्वागत गरेका छन् । सुर्खेतका डिभिजनल वन अधिकृत गोविन्द दाहालले सङ्गठन संरचना तथा दरबन्दी संशोधनले प्राविधिकरुपले दक्ष कर्मचारीलाई काम गर्ने वातावरण सिर्जना भएको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपठाउँठाउँमा पहिरो खस्दा कर्णाली करिडोर अवरुद्ध
असार १४, २०८१ शुक्रबार
तातोपानी गाउँपालिकाले एकल पुरुष भत्ता कार्यक्रम लागू गर्ने
असार १२, २०८१ बुधबार
वर्षा नहुँदा जुम्ली किसानलाई रोपाइँमा समस्या
असार ६, २०८१ बिहिबार
तपाईको आजको राशीफल कस्तो छ ?
असार १७, २०८१ सोमबार
नेकपा एसको महाधिवेशनमा अरु शीर्ष गए, ओली गएनन्
असार १६, २०८१ आइतबार
युरोकपमा आज फ्रान्स र बेल्जियम बीच कडा प्रतिस्पर्धा हुने
असार १७, २०८१ सोमबार
चौबिसै घण्टा खुला गरिएसँगै चलायमान बन्दै ठमेल र दरबारमार्गका व्यवसाय
असार १७, २०८१ सोमबार
व्यवसायिक बाख्रापालनबाट वार्षिक चार लाख बचत
असार १७, २०८१ सोमबार
अपाङ्गता भएकालाई निःशुल्क व्हील चेयर र कमोट चेयर प्रदान
असार १७, २०८१ सोमबार
इजरायलको गोलान हाइट्समा ड्रोन आक्रमणमा परी १८ इजरायली सैनिक घाइते
असार १७, २०८१ सोमबार
‘यार्सागुम्बा’ अर्थात् महङ्गो जैविक कीराको खोजी
असार १७, २०८१ सोमबार