प्रमले उकालो र ओरालोको भेउ पाउन छाड्नु भयो : नेता गुरुङ

२५ मंसिर, काठमाडौं । नेपाली कांग्रेस नेता धनराज गुरुङले भ्रष्ट नेताहरुलाई फूलमालाले स्वागत गर्ने जनता हामी कहिले सुध्रने ? भन्दै प्रश्न गरेका छन् । सामाजिक सञ्जालमा एक विचार लेख्दै नेता गुरुङले बुधबार परेको भ्रष्टाचारबिरुद्ध अन्तर्राष्ट्रिय दिवसमा लेखेका छन्, भ्रष्टाचारमा चुर्लुम्मै डुबेको मेरो देश ! भ्रष्टाचारीको मुखै नहेर्ने मेरो प्रम ! ।

दिवसको अवसरमा नेता गुरुङले भ्रष्टाचारमा चुर्लुम्मै डुबेको देशमा भ्रष्टाचारीको मुखै हेर्दैन भन्ने प्रधानमन्त्री केपी ओली नै भ्रष्टाचारीको संरक्षक भएको प्रतिवेदन सार्वजनिक हुनु लज्जास्पद भएको टिप्पणी समेत गरेका छन् ।

आज भ्रष्टाचार बिरुद्ध अन्तर्राष्ट्रिय दिवस ! भ्रष्टाचारमा चुर्लुम्मै डुबेको मेरो देश ! भ्रष्टाचारीको मुखै नहेर्ने मेरो प्र.म.! भ्रष्टाचार प्र.म.कै संरक्षणमा भएको प्रतिवेदन सार्वजनिक गर्छ, ट्रान्परेन्सी इन्टरनेशनल!
भ्रष्ट नेताहरुलाई फूलमालाले स्वागत गर्ने जनता !
हामी कहिले सुध्रने ?

— Dhan Raj Gurung (@dhanrgrg) December 9, 2020

तेसो त ओली नेतृत्वको सरकारले सार्वजनिक संस्थानमा दक्षताका आधारमा कार्यकारी प्रमुख नियुक्त गर्न गठित संस्थान निर्देशन बोर्ड खारेज गरेर संस्थानमा पुनः आफ्ना आसेपासे, कार्यकर्ता, नातेदार तथा मोलमलाईमा गरिने नियुक्तिलाई प्रश्रय दिएको छ ।

यस्ता ठूला खरिदसम्बन्धी सरकारका कतिपय निर्णय विवादित मात्रै होइन, रद्द हुँदा प्रमले उकालो र ओरालोको भेउ पाउन छाडेको नेता गुरुङले एक समाचारलाई मेन्सन गर्दै टिप्पणी गरेका छन् । कोभिड-१९ को महामारीमा स्वास्थ्य सामग्री खरिदको ठेक्का प्रक्रिया निकै विवादित बनेको थियो ।