प्रधानमन्त्री र भाजपा विदेश विभाग प्रमुखबीच शिष्टाचार भेटघाट

२५ मंसिर, काठमाडौं । प्रधानमन्त्री केपी ओलीसँग भारतीय जनता पार्टीका विदेश विभाग प्रमुख विजय चौथाइवाको शिष्टाचार भेटघाट भएको छ । भारतीय विदेश सचिव नेपालको भ्रमण सम्पन्न गरेर फर्केको दुई हप्ता बित्न नपाउँदै विभाग प्रमुख चौथाइवा नेपाल आएका हुन् ।

नेपाल भ्रमणमा आएका भारतको सत्तारुढ दल भारतीय जनता पार्टीका विदेश विभाग प्रमुख चौथाइवाले ओलीसँगै र नेकपा महासिचव तथा अर्थमन्त्री विष्णु पौडेललाई भेट गरेका छन् ।

भेटका दुई देशको बीचमा जनस्तरमा रहेको सम्बन्धलाई सुदढ बनाउने विषयमा कुराकानी भएको प्रधानमन्त्रीका परराष्ट्र मामिला सल्लाहकार राजन भट्टराईले बताए । उनी नेपाल कम्युनिष्ट पार्टीको विदेश विभागको निमन्त्रणामा नेपाल आएको बुझिएको छ ।