युनाइटेड मोदीको नगद लाभांश ३ प्रतिशतले घट्यो

२५ मंसिर, काठमाडौं : युनाइटेड मोदी हाइड्रोपावर लिमिटेडले ५.२६ प्रतिशन नगद लाभांश प्रस्ताव गरेको छ । कम्पनीको आज बसेको सञ्चालक समिति बैठकले लगानीकर्तालाई आर्थिक वर्ष २०७६/७७ को नाफाबाट हाल कायम चुक्ता पुँजीको ५.२६ प्रतिशतका दरले नगद लाभांश दिने प्रस्ताव गरेको हो ।

कम्पनीले ६ करोड ५ लाख २६ हजार रुपैयाँ बराबरको नगद लाभांश वितरण गर्ने प्रस्ताव गरेको हो । कम्पनीले प्रस्ताव गरेको लाभांश शेयरधनीले पाउन आगामी साधारण सभाले अनुमोदन गर्नुपर्ने हुन्छ । लाभांश प्रस्ताव पारित गर्न पुस २२ गते सभा बोलाएको छ । सभा कम्पनीको रजिष्टर्ड कार्यालय हेरिटेज प्लाजा कमलादी, काठमाडौंमा भर्चुअल माध्यमबाट बिहान ११ बजे सुरु हुनेछ । सभा प्रयोजनका लागि कम्पनीले पुस ५ गतेबाट ९ गतेसम्म बुक क्लोज गर्दैछ । पुस ४ गतेसम्म कायम शेयरधनीले नगद लाभांश सुरक्षित गर्न सक्नेछन् ।

कम्पनीले गत वर्ष कम्पनीले ८.४२ प्रतिशन नगद लाभांश दिएको थियो । हाल प्रस्तावित लाभांश गत वर्ष भन्दा ३.१६ प्रतिशनले कम हो ।