बोलेरो आफैं अनियन्त्रित हुँदा दुई जनाको मृत्यु, ११ जना घाइते

२६ मंसिर, चितवन । चितवनमा बोलेरो जिप दुर्घटना हुँदा दुई जनाको मृत्यु भएको छ ।  जिल्लाको नारायणगढ–मुग्लिन सडकखण्ड भएको दुर्घटनामा ११ जना घाइते भएका छन् । बोलेरो आफैं अनियन्त्रित भई सडक किनारमा रहेको बिजुलीको पोलमा ठोक्किएको थियो ।

इच्छाकामना गाउँपालिका–६ जलबिरे नजिक जलबिरे–चन्डीभञ्ज्याङ ग्रामीण सडकमा चल्ने ना ४ च ५०५० नम्बरको जिप दुर्घटना हुँदा दुई जनाको घटनास्थलमै मृत्यु भएको जिल्ला प्रहरी कार्यालय चितवनले जनाएको छ ।

मृतकको परिचय खुलेको छैन । घाइतेहरूलाई उपचारका लागि भरतपुर ल्याइँदैछ । प्रहरीका अनुसार बोलेरो आफैं अनियन्त्रित भई सडक किनारमा रहेको बिजुलीको पोलमा ठोक्किएको थियो ।