अभियनता सुनिताले अस्पतालका विरामीलाई दोसल्ला ओढाए गरे सम्मान

धीरुभाइ

२५ मंसिर सप्तरी । सामाजिक अभियनता सुनिताकुमारी साहले ७२ओैं अन्तर्राष्ट्रिय मानवअधिकार दिवसको अवसरमा बिहीबार अस्पतालका १५ जना विरामीलाई दोसल्ला ओढाएर सम्मान गर्दै फलफूल वितरण गरेको छ ।

राजविराज स्थित गजेन्द्र नारायण सिंह अस्पतालमा उपचारत प्रसूती वार्डका १२ र सर्जिकल वार्डका तीन जना गरी १५ बिरामीहरुलाई दोसल्ला ओढाएर सम्मान गरेको छ ।

यससँगै प्रत्येक विरामीलाई एक÷एक थान माक्ससहित फलफुल वितरण गरेको छ । सबैका लागि समान मानवअधिकार र आत्मसम्मानको प्रत्याभूति होस्, समान अवसर र लैगिंक समानता सुनिश्चित होस् भन्ने मूलनाराका साथ सो कार्य गरिएको अभियनता साहले बताए ।

सामाजिक अभियनता साहले आफ्नो लगानी सो कार्य गरिएको हो ।  उनले गरिव, विपन्न, अपाङ्गता भएको व्यक्ति तथा विपद्मा परेका परिवारजनलाई आवश्य अनुसार सहयोग गर्दै आएका छन ।