३८ तोला सुन चोरेर फरार ५ युवा पक्राउ

२८ मंसिर, काठमाडौं । ३८ तोला सुनको गहना चोरेको आरोपमा काभ्रेमा ५ जना पक्राउ परेका छन् । काभ्रेपलाञ्चोकको पाँचखाल नगरपालिका २ की माइली तामाङको घरबाट गहना चोरेका ५ युवालाई प्रहरीले पक्राउ गरेको हो ।

पक्राउ पर्नेमा ओखलढुंगाको सिद्धिचरण नगरपालिका ५ का २७ वर्षका देवराज दाहाल, सिन्धुपाल्चोकको मेलम्ची नगरपालिका ११ का २४ वर्षका रामचन्द्र चालिसे, काभ्रेको धुलिखेल नगरपालिका १ का २३ वर्षका राम तामाङ, धुलिखेल ७ का १८ वर्षका हुइबहादुर तामाङ र धुलिखेल १ का १८ वर्षका राजन तामाङ रहेका छन् ।

माइली तामाङको घरबाट गहना र पैसा हराएपछि प्रहरीले खोजी गर्दा उक्त टोलीलाई काठमाडौंको ड्रागन डिस्कोमा फेला पारेको थियो । उनीहरुमाथि थप अनुसन्धानका लागि जिल्ला प्रहरी कार्यालय काभ्रे पठाइएको महानगरीय प्रहरी परसर काठमाडौंले जनाएको छ ।