ओली सरकार बिरुद्ध मोटरसाइकल र्यालीमा निस्कियो नेविसंघ

२९ मंसिर, डोटी । नेपाल विद्यार्थी संघ डोटीले सरकारको विरोधमा मोटरसाइकल र्यालीसहित सिटी जुलुस निकालेको छ । नेपाल विद्यार्थी संघको सर्कुलर अनुसार डोटीमा पनि सयौंको संख्यामा मोटरसाइकलसहितको जुलुस निकालिएको हो ।

योसंगै राती दिपायलमा राँके जुलुस पनि निकालिएको नेविसंघ डोटीले जनाएको छ । जिल्ला सदरमुकाम सिलगढी, दिपायल, राजपुर हुँदै पिपल्ला बजार पुगेको मोटरसाइकल र्यालीसहितको सिटी जुलुस कोणसभामा परिणत भएको थियो ।

सरकारको सर्वसत्तावादी प्रवृति, कोभिड–१९ मा असफलता, स्वास्थ्य सामग्रीमा अनियमितता, राज्यआतंक, चर्को मुल्य वृद्धि, भ्रष्टाचार, महिला हिंसा, कर वृद्धि, र कुशासनको विरुद्ध आइतबार जुलुस निकालिएको नेविसंघ डोटीका अध्यक्ष गणेश खड्काले बताए ।