ओली सरकार भ्रष्टाचारमा चुर्लुम्म डुब्यो : पौडेल

२९ मंसिर, काठमाडौं । नेपाली कांग्रेसका वरिष्ठ नेता रामचन्द्र पौडेलले प्रधानमन्त्री केपी शर्मा ओली नेतृत्वको सरकार भ्रष्टाचारमा चुर्लुम्म डुबिसकेको बताएका छन् ।

कांग्रेसले काठमाडौंमा गरेको प्रदर्शनलाई सम्बोधन गर्दै नेता पौडेलले सरकार नालायक भ्रष्टाचार भएको बताएका हुन् । नेकपाभित्रै सरकारको आलोचना भइसकेकाले अब ओलीलाई सत्तामा बसिरहने नैतिक अधिकार नभएको पनि पौडेलको भनाई छ ।

नेता पौडेलले अख्तियार दुरुपयोग अनुसन्धान आयोग प्रधानमन्त्री ओलीको इसारामा चलेको र केहीलाई माफ दिने अड्डा बनेको पनि आरोप लगाए ।

भ्रष्टाचार, असुरक्षा पक्षपात बढेको तथा राज्यलाई कम्युनिस्टकरण गर्ने दुस्साहस भइरहेको भन्दै नेता पौडेलले वर्तमान सरकारबाट जनता निराश मात्रै नभई आजित भइसकेको बताए ।