फेरि अध्यादेश ! सत्तास्वार्थको परकाष्ठा किन ?

३० मंसिर, काठमाडौं । सत्तारुढ दल ‘नेकपा’ का नेता जनार्दश शर्मा ‘प्रभाकर’ले पनि अध्यादेशको विरोध गरेका छन् । सामाजिक सञ्जालमार्फत धारणा सार्वजनिक गर्दै उनले अध्यादेश फिर्ता गर्न माग गरेका छन् ।

उनले लेखेका छन्, ‘फेरि अध्यादेश ! सत्तास्वार्थको परकाष्ठा किन ?  छलफल, सहमतिको सहज प्रक्रियाको सट्टा असहज प्रक्रियाको सहारा भनेको असफलताको बाटो बाहेक केही हुन सक्दैन् । हतास मनस्थितिबाट मुक्त होऔ ? अध्यादेश फिर्ता गर ।’

राष्ट्रपतिबाट संवैधानिक परिषद्सम्बन्धी अध्यादेश जारी भएको छ । मन्त्रिपरिषदको सिफारिसमा राष्ट्रपति विद्या भण्डारीले उक्त अध्यादेश जारी गरेकी हुन्। राष्ट्रपति भण्डारीले संविधानको धारा ११४ को उपधारा (१) बमोजिम मन्त्रिपरिषदको सिफारिसमा अध्यादेश जारी गरेकी हुन्।