ओलीको निरंकुशता : तीन जना राखेर संवैधानिक निकायमा कार्यकर्ता भर्ती गर्ने

३० मंसिर, काठमाडौं । प्रधानमन्त्री केपी शर्मा ओलीले निरंकुशता लाद्न संवैधानिक आयोगमा कार्यकर्ता भर्ती गर्ने भएका छन् । संवैधानिक परिषदको बैठक प्रधानमन्त्रीसहित ३ जनाको उपस्थितिमा गर्न सक्ने गरी अध्यादेश जारी गरेर ओलीले निरंकुशता लाद्न खोजेका हुन् ।

संवैधानिक परिषद काम, कर्तव्य, अधिकार र कार्यविधि अध्यादेश २०७७ जारी गरी संवैधानिक परिषदसम्बन्धी ऐनको दफा ६ को उपदफा ३ संशोधन गरी सरकारले अध्यादेश ल्याएको हो । जहाँ अध्यक्षसहित तत्काल बहाल रहेका बहुमत सदस्य उपस्थित भएमा परिषदको बैठकको लागि गणपूरक संख्या पुगेको मानिने व्यवस्था गरेको हो ।

यसअनुसार प्रधानमन्त्री र अरु दुई जना भए पुग्नेछ । संवैधानिक परिषदमा प्रधानमन्त्री अध्यक्ष र सदस्यहरुमा सभामुख, राष्ट्रियसभाका अध्यक्ष, प्रमुख विपक्षी दलका नेता, प्रधानन्यायाधीश र उपभामुख सदस्य रहनेछन् ।

तर अब प्रधानमन्त्रीसहित कुनै दुई जना उपस्थित भए हुनेछ । जसले गर्दा संवैधानिक निकायप्रतिको नियुक्ती र अहिलेको कार्यकर्ता भर्ती केन्द्र झन् बढ्नेछ ।