प्रधानमन्त्री ओलीलाई अनुशासनको कारवाही गर्ने नेकपाको तयारी

३० मंसिर, काठमाडौं । सत्तारुढ नेकपाले प्रधानमन्त्री केपी शर्मा ओलीलाई कारवाही गर्ने तयारी गरेको छ । खुमलटारमा कार्यकारी अध्यक्ष प्रचण्ड र वरिष्ठ नेता माधवकुमार नेपालको आह्वानमा बसेको सचिवालयका बहुमत सदस्यको बैठकले प्रधानमन्त्री ओलीलाई अनुशासनको कारवाही गर्ने तयारी गरेकाे हो ।

शुरुमा ओलीलाई अध्यादेश फिर्ता लिन आग्रह गर्ने र नमानेको खण्डमा भोलि बस्ने स्थायी कमिटी बैठकबाट ओलीलाई अनुशासनको कारवाही गर्ने तयारी भएको प्रचण्ड निकट स्रोतले जनाएको छ । वरिष्ठ नेता माधव नेपालले पनि ओलीलाई अध्यादेश फिर्ता लिन आग्रह गरेका छन् ।

ओलीले अध्यादेश ल्याएर गल्ती गरेको र फिर्ता नभए नेकपाले अनुशासनको कारवाही गर्ने नेता नेपालको भनाई छ । प्रधानमन्त्रीले चालेको कमदका बारेमा बुधबार बस्ने स्थायी कमिटीको बैठकमा जोडदार कुरा उठ्ने पनि नेता नेपालले बताएका छन् ।

प्रचण्ड, माधव नेपाल, वामदेव गौतम, झलनाथ खनाल र नारायणकाजी श्रेष्ठले तत्काल अध्यादेश फिर्ता लिन ओलीसँग माग गरेका छन् ।