बरुण हाइड्रोकाे शेयर कारोबार फुकुवा, गल्ती नदोहोर्याउन नेप्सेकाे चेतावनी

२ पुष, काठमाडौं । नेपाल स्टक एक्सचेञ्ज (नेप्से)ले बरुण हाइड्रोपावरलाई कारवाही गरी रोकेको शेयर कारोबार फुकुवा गरेको छ । बरुण हाइड्रोकाका तर्फबाट गल्ती कमजोरी भएको स्वीकार गरी नेप्सेलाई पत्राचार गरेपछि अब आउने दिनमा गल्ति कमजोरी नगर्ने शर्तमा नेप्सेले एक पत्र जारी गर्दै शेयर कारोबार फुकुवा गरेको उल्लेख गरिएको छ ।

हाइड्रोपावरले लाभांश घोषणा सम्बन्धि सूचना ढिला गरि पठाएको भन्दै स्थगित गरिएको शेयर कारोबार कम्पनीको स्पष्टीकरण पछि फुकुवा भएको हो । नेप्सेले सोधेको स्पष्टीकरणमा हाइड्रोपावर कम्पनीले कानुनी रुपमा थाह नभएको र अब त्यस्तो कमी कमजोरी नगर्ने स्पष्टिकरण पठाएसँगै शेयर कारोबार फुकुवा गरिएको नेप्सेले जनाएको छ। अब आइतबारदेखि नेप्सेमा कम्पनीको शेयर कारोबार पुनःसुचारु हुने भएको छ।