पुष १६ गतेसम्म कायम शेयरधनीलाई हिमालयन डिष्टिलरीको १०० प्रतिशत लाभांश

३ पुष, काठमाडौं । हिजो बिहिबार बसेको हिमालयन डिष्टिलरी लिमिटेडको संचालक समिति बैंठकले गत आर्थिक वर्ष २०७६÷७७ को मुनाफाबाट शत प्रतिशत लाभांश वितरण गर्ने निर्णय गरेको छ । बैंठकले साधारण सभा प्रयोजनको लागि पुस १७ गते शुक्रबार एक दिन बुक क्लोज गर्ने निर्णय पनि गरेको छ । त्यस अनुसार पुस १६ गते सम्म कायम शेयरधनीले मात्रै प्रस्तावित लाभांश पाउने भएका छन् ।

बैठकले शेयरधनीलाई ५० प्रतिशत बोनस शेयर र कर सहित ५० प्रतिशत नगद लाभांश गरी १०० प्रतिशत मुनाफा वितरण गर्ने निर्णय गरेको हो । कम्पनीले ५० प्रतिशत अर्थात २८ करोड ९२ लाख रुपैयाँ बराबरको बोनस र कर सहित सोहि बराबरको नगद लाभांश प्रस्ताव गरेको छ । बोनस वितरण पछि कम्पनीको चुक्त्ता पूँजी ८६ करोड ७७ लाख रुपैयाँ पुग्नेछ ।

अहिले कम्पनीको चुक्ता पूँजी ५७ करोड ८४ लाख ६८ हजार रुपैयाँ छ । यस्तै कम्पनीले २० औं वार्षिक साधारण सभा समेत बोलाएको छ । कम्पनीले पुस २९ गते बुधबार पर्सा, विरगञ्जमा रहेको कम्पनीको रजिष्टर्ड कार्यालयमा साधारण सभा बोलाएको छ ।