प्रचण्डको कार्यकर्ता भेला बामदेवद्धारा बहिष्कार

३ पुष, काठमाडौं । प्रधानमन्त्री केपी शर्मा ओलीले अध्यादेश ल्याएर तरंगित बनेको नेकपाभित्रको आन्तरिक विवादबारे प्रचण्डले कार्यकर्ता भेला गर्दा उपाध्यक्ष वामदेव गौतमले बहिष्कार गरेका छन् । गौतमले आफू कुनै पनि गुटको भेलामा नजाने बताउँदै कार्यकर्ता भेला बहिष्कार गरेका हुन् ।

प्रचण्डले प्रदेश १ का नेता कार्यकर्ताको भेला गर्दा वरिष्ठ नेता माधव नेपाल, झलनाथ खनाल, नेकपाका प्रवक्ता नारायणकाजी श्रेष्ठ लगायतको सहभागिता थियो । तर वामदेव भने गएनन् । सो भेलाप्रति आफ्नो टिप्पणी सार्वजनिक गर्दै गौतमले अहिले भेला गर्ने बेला नभई बैठकबाटै समस्याको समाधान खोज्नुपर्ने बताएका छन् ।

उनले पाँचजना नेताको बैठकमा भने सहभागी हुने बताएका छन् । ओलीप्रतिको असन्तुष्टि बढ्दा कार्यकर्ता भेला गरेर समाधान नहुने गौतमको तर्क छ ।