ओली र प्रचण्डबीचको वार्तामा बामदेव पनि सहभागी

४ पुष, काठमाडौं । सत्तारुढ नेकपाका अध्यक्षद्वय केपी ओली र पुष्पकमल दाहाल ‘प्रचण्ड’बीचको वार्तामा उपाध्यक्ष बामदेव गौतम पनि सहभागी भएका छन् । शनिबार कार्यकारी अध्यक्ष प्रचण्डलाई भेट्न प्रधानमन्त्रीसमेत रहेका अध्यक्ष ओली प्रचण्ड निवास खुमलटार पुगेका थिए ।

ओली खुमलटार पुगेको केहीसमय पछि उपाध्यक्ष बामदेव गौतम पनि प्रचण्ड निवास खुमलटार पुगेका छन् । अहिले तीन नेताबीच खुमलटारमा छलफल चलिरहेको छ । पार्टी भित्रको विवाद मिलाउन सक्रिय गौतम दुई अध्यक्षबीचको छलफलमा सहभागी हुन पुगेको विषयलाई महत्वका साथ हेरिएको छ ।