शनिबार थपिए ७१० जना कोरोना संक्रमित

४ पषु , काठमाडौं । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ७१० जनामा कोरोना भाइरस संक्रमित थपिएका छन् । शनिबार देशभरका प्रयोगशालामा ४७८० नमुना परीक्षण गर्दा उनीहरुमा संक्रमण पुष्टि भएको हो ।

यससँगै कुल संक्रमितको संख्या २ लाख ५३ हजार १८४ पुगेको छ । उनीहरुमध्ये २ लाख ४२ हजार ५६७ निको भएका छन् भने १ हजार ७७७ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।त्यस्तै थप १२ जना कोरोना संक्रमितको मृत्यु भएको मन्त्रालयले जनाएको छ।