महाअभियोग र अविश्वासको प्रस्ताव आएपछि संसद विघटन

५ पुष, काठमाडौं। नेकपाभित्र पूर्व माओवादी नेताहरुले राष्ट्रपति विद्यादेवी भण्डारीलाई महाअभियोग र वर्तमान सरकारमाथि अविश्वासको प्रस्ताव ल्याएपछि प्रधानमन्त्री केपी शर्मा ओलीले हतार हतार संसद विघटन गरेका छन् ।

सत्तारुढ नेकपाका कार्यकारी अध्यक्ष पुष्पकमल दाहाल प्रचण्डको प्रस्तावमा वरिष्ठ नेता माधवकुमार नेपाल र झलनाथ खनालको पनि साथ सहयोग र समर्थन थियो । महाअभियोग र अविश्वासको प्रस्ताव लिएर जनार्दन शर्मा बालुवाटार पुगेका थिए ।

केहीबेरअघि बसेको मन्त्रिपरिषद्को आकस्मिक बैठकले संसद बिघटनका लागि राष्‍टप्रतिसमक्ष सिफारिस गर्ने निर्णय गरेको हो। जतिपटक भन्दा पनि नमानेपछि प्रचण्ड र माधव नेपालले अविश्वासको प्रस्ताव ल्याएपछि ओलीले कंलकको टीका लगाएका हुन् ।