ओली सरकारले विध्वशक सर्वसत्तावादी बाटो लियो : नेता केसी

५ पुष, काठमाडाैं । नेपाली कांग्रेसका नेता अर्जुन नरसिंह केसीले नेकपाको दुई तिहाइ सरकारले विध्वशक सर्वसत्तावादी बाटो लिएको आरोप लगाएका छन् । अहिलेको अवस्थामा वर्तमान सरकारले संविधानले गरेको व्यवस्थाअनुसार संसद विघटन गर्न नमिल्ने बताएका हुन् ।

नेता केसीले प्रधानमन्त्री केपी ओलीले आज बिहान मन्त्रिपरिषदको आकस्मिक बैठक राखेर संसद विघटन गर्ने सिफारिस गर्नु विध्वशक सर्वसत्तावादी बाटो लिनु रहेको सामाजिक सञ्जाल ट्वीटरमा भनेका छन् ।

निर्वाचित संसदका काेख बाटनै लाेकतन्त्र बिराेधी भस्मासुरहरू जन्मिएका छन, लेनिनले ड्युमा र हिटलरले बुन्डेसट्याग बिघटन गरेर निरंकुश सर्वसत्ताबाद जन्माएजस्तै नेपालमा नेकपाकाे २/३ सरकारले विध्वशक सर्वसत्तावादी बाटाे लिएकाे छ ।

— Arjun Narasingha Kc (@ArjunNarasingha) December 20, 2020

अगाडि उनले भनेका छन्, “निर्वाचित संसदका कोखबाट नै लोकतन्त्र बिरोधी भस्मासुरहरू जन्मिएका छन, लेनिनले ड्युमा र हिटलरले बुन्डेसट्याग बिघटन गरेर निरंकुश सर्वसत्तावाद जन्माएजस्तै नेपालमा नेकपाको २ र ३ सरकारले विध्वशक सर्वसत्तावादी बाटो लिएको छ ।”

प्रधानमन्त्रीले गरेको सिफारिस राष्ट्रपतिले पनि अनुमोदन गरे त्यसले संवैधानिक जटिलता निम्त्याउने निश्चित छ ।