बैशाखमा आम चुनाव गर्ने ओलीको प्रस्ताव

५ पुष, काठमाडौं । प्रधानमन्त्री केपी शर्मा ओलीले बैशाखमा चुनावको मिति घोषणा गर्ने तयारी गरेका छन् । ओलीले २३ वैशाखसम्म आम चुनाव गर्ने प्रस्ताव राष्ट्रपति विद्यादेवी भण्डारीसमक्ष गरेका छन् ।

संसद विघटनको सिफारिस लिएर राष्ट्रपति कार्यालय शीतल निवास पुगेका उनले २३ वैशाखमा चुनाव प्रस्ताव राखेका छन् । २९ वैशाखको विकल्पमा पनि छलफल भइरहेको बताइएको छ ।

राष्ट्रपतिले संसद विघटनको प्रस्ताव अनुमोदन गरेपछि नयाँ चुनावको मिति घोषणा गर्नेछिन् ।