कांग्रेसको पदाधिकारी र पूर्वपदाधिकारी बैठक सुरु

५ पुष, काठमाडौं । प्रमुख प्रतिपक्षी दल नेपाली कांग्रेसका पदाधिकारी र पूर्वपदाधिकारीहरूको बैठक सुरू भएकाे छ । सरकारले संसद विघटनको सिफारिस गरेका विषयमा छलफल गर्न बैठक जारी छ ।

सरकारको कदमबारे पार्टीको धारणा तयार गर्न सभापति शेरबहादुर देउवाले आफ्नै निवास बुढानीलकण्ठमा बैठक बोलाएका हुन् ।

बैठकमा वरिष्ठ नेता रामचन्द्र पौडेलसहित पदाधिकारी र पूर्वपदाधिकारीहरू पुगेका छन् । कोरोना संक्रमणका कारण नेता कृष्णप्रसाद सिटौला भने सहभागी छैनन् । उनी अहिले होम आइसोलेसनमा बसेका छन् ।