पूर्वसभामुख महरा अब नेकपाको स्थायी कमिटी सदस्य

५ पुष, काठमाडौं । पूर्वसभामुख कृष्णबहादुर महरालाई नेकपाको स्थायी कमिटी सदस्य चयन गरिएको छ । नेकपाको स्थायी कमिटी बैठकले महरालाई स्थायी कमिटीमा ल्याउने निर्णय गरेको हो ।

बैठकले महरालाई स्थायी कमिटी सदस्य बनाउने प्रस्ताव केन्द्रीय कमिटीमा लैजाने निर्णय पनि गरेको छ । पार्टी प्रवक्ता नारायणकाजी श्रेष्ठका अनुसार ४५ सदस्यीय स्थायी कमिटीमा अग्नि सापकोटा सभामुखमा निर्वाचित भएपछि रिक्त सदस्यमा महरालाई ल्याइएको हो ।

संसद सचिवालयकै महिला कर्मचारीलाई बलात्कार गरेको आरोप लागेपछि महराले सभामुख पदबाट राजीनामा दिनु परेको थियो भने केही समय जेल समेत बस्नु परेको थियो ।