प्रधानमन्त्रीलाई संवैधानिक परामर्श देऊ !

६ पुष, काठमाडौं । विवेकशील साझा पार्टीले माइतीघरमा सोमबार पनि प्रदर्शन गरेको छ । प्रधानमन्त्री केपी ओलीको कदमविरुद्ध पार्टीले प्रदर्शन गरेको हो ।

आइतबार प्रधानमन्त्रीको सिफारिसमा राष्ट्रपति विद्यादेवी भण्डारीले संघीय संसद विघटन गरी मध्यावधि चुनाव घोषणा गरेपछि हिजो बालुवाटार घेराउ गरेको विवेकशील साझाले आज माइतीघरमा प्रदर्शन गरेको हो ।

तीन वर्ष पहिले भएको चुनावमा झण्डै दुई तिहाई बहुमत पाएको सत्तारुढ नेपाल कम्युनिष्ट पार्टी ‘नेकपा’ भित्रको आन्तरिक कलहका कारण प्रधानमन्त्री ओलीले आइतबार संसद विघटनको निर्णय गरेका हुन् ।

साझाले ‘प्रधानमन्त्रीलाई संवैधानिक परामर्श देऊ’, ‘के कदर भयो र जनमतको’ लगायतका पम्पलेटसहित प्रदर्शन गरेको हो ।