ओलीद्वारा देशबासीका नाममा सम्बोधन : सरकारलाई घेर्ने काम निरन्तर भयो

६ पुष, काठमाडौं । प्रधानमन्त्री केपी ओलीले संसद विघटनको परिस्थिति कम्युनिस्ट पार्टीका केही विकृत मानसिकता बोकेका नेताहरूका कारण संसद विघटन गर्नु परेकाे बताएका छन् ।

नेकपा अध्यक्ष समेत रहेका ओलीले कम्युनिस्ट पार्टीका केही विकृत मानसिकता बोकेका कतिपय नेताहरूको चाहना पद, प्रतिष्ठामा मात्र सीमित बनेकाले राजनीतिक रूपमा प्राप्त स्थिर सरकारलाई घेराबन्दी गरिएको आरोप लगाएका छन् ।

देशवासीलाई सम्बोधन गर्दै ओलीले एकले सरकार र अर्कोले पार्टी सञ्चालन गर्ने कार्यविभाजन गरिए पनि पार्टी काम फिटिक्कै नभएको, तर सरकारलाई घेराबन्दी मात्र गर्ने काम भएको बताए ।