अपदस्थ अध्यक्ष ओलीको अर्को चाल, थपिए ७५३ जना नयाँ केन्द्रिय सदस्य

७ पुष, काठमाडौं । नेकपाका अपदस्थ अध्यक्ष केपी शर्मा ओलीले बालुवाटारमा बोलाएको बैठकमा जम्बो केन्द्रिय कमिटी बनाउने प्रस्ताव लगेका छन् । केन्द्रिय कमिटीमा आफ्नो बहुमत सिद्ध गर्ने ध्येयले ओलीले आज ७५३ जना नयाँ केन्द्रिय सदस्य थप गर्दै केन्द्रिय कमिटीलाई ११९९ जनाको जम्बो बनाएका हुन् ।

पूर्वएमाले र पूर्वमाओवादीको एकतापछि केन्द्रिय कमिटी जम्मा ४४६ जनाको थियो । पार्टी विभाजनको औपचारिक घोषणा हुन केही समय बाँकी छँदै ओलीले आफूपक्षीय केन्द्रिय कमिटीको जारी बैठकमा सदस्य थप गर्ने प्रस्ताव लगेका हुन् ।

स्थायी कमिटी, केन्द्रिय कमिटी र संसदीय दल सबैतिर अल्पमतमा पर्दै आएको ओलीको पछिल्लो चालले कस्तो वैधता पाउँने छ भन्ने हेर्न केही समय कुर्नु पर्नेछ ।