कांग्रेस बैठक सुरु, चुनाव कि पुर्नस्थापना ?

७ पुष, काठमाडौं । प्रधानमन्त्री केपी ओलीले हठात् प्रतिनिधिसभा विघटन गरेपछि कसरी प्रस्तुत हुने विषय नेपाली कांग्रेसका लागि चुनौतीपूर्ण देखिएको छ ।  प्रमुख प्रतिपक्षी दलको नाताले ताजा जनादेशको निर्णय मान्नुपर्ने मान्यता एकातिर छ भने अर्कातिर संविधान विपरित ओलीले विघटन गरेकाले पुर्नस्थापनाको पक्षमा संघर्ष गर्नुपर्ने वाध्यात्मक अवस्थासमेत रहेको छ ।

यसै पृष्ठभूमिमा आज कांग्रेस केन्द्रीय कार्यसमिति बैठक बसिरहेको छ । दिउँसो २ बजे पार्टी केन्द्रीय कार्यालय सानेपामा सुरु भएको बैठकले यी दुबै सन्दर्भलाई सम्बोधन गर्नुपर्ने देखिएको छ । पार्टी भित्र संस्थापन पक्ष जनतासमक्ष जाने मौका भएकाले अलोकप्रिय सरकार विस्थापन गर्नुपर्ने पक्षमा देखिएको छ ।

जबकी संस्थापन इतर पक्ष भने संसदीय मूल्यमान्यता विपरित गरिएको विघटन सच्चिएर संसद पुर्नस्थापना हुनुपर्ने पक्षमा नरम छ ।  आजको बैठक मूलतः यिनै विषयमा केन्द्रित रहने प्रवक्ता विश्वप्रकाश शर्माले बताए ।