प्रदेश नं १ मा १०० जना काेराेनामुक्त

७ पुष  , विराटनगर । प्रदेश नं १ मा पछिल्लो २४ घण्टाको अवधिमा १०० जना कोरोना संक्रमणमुक्त भएका छन् । संक्रमणमुक्त हुनेमा होमआइसोलेसन र विभिन्न कोभिड अस्पतालबाट रहेको सामाजिक विकास मन्त्रालयले जनाएको छ । हालसम्म निको हुनेको सङ्ख्या २५ हजार ४९५ पुगेको छ ।

प्रदेश सोही अवधिमा गरिएका ५४४ जनाको पीसीआर परीक्षणमा ३४ महिला र २९ पुरुष गरी ६३ जनाको रिपोर्ट पोजेटिभ आएको मन्त्रालयले जनाएको छ । थप संक्रमितमा मोरङमा ३३ मध्ये विराटनगरमा २३, सुनसरीमा १८, झापामा तीन, उदयपुर र तेह्रथुममा दुईरदुई र प्रदेश बाहिरका पाँच जना रहेका छन् ।

प्रदेशमा कोरोना संक्रमितको संख्या अहिलेसम्म २९ हजार ४८९ पुगेको मन्त्रालयले जनाएको छ । यस प्रदेशमा हालसम्म दुई लाख पाँच हजार ५५० जनाको पीसीआर परीक्षण कार्य सम्पन्न गरिएको छ ।