श्रीमतिको पछि लागेर रघुवीर महासेठ ओलीकै गुटमा !

८ पुष, काठमाडौं । पूर्व भौतिक पूर्वधार तथा यातायातमन्त्री रघुवीर महासेठ प्रधानमन्त्री केपी शर्मा ओलीकै गुटमा फर्किएका छन् । मंगलवार दिउँसोसम्म प्रचण्ड–माधव नेपाल समूहको स्थायी कमिटी बैठकमा भाग लिएका महासेठ फेरि ओली गुटमा फर्किएका हुन् । गुटमा फर्किएका महासेठलाई प्रदेश २ मा कार्यकर्ता प्रशिक्षणको जिम्मेवारी तोकिएको छ ।

उनकी पत्नी जुली महतो यसअघि नै ओली पक्षमा लागेकी थिइन् । अन्ततः महासेठ पनि श्रीमतीकै पछि लागेर ओली गुटमा फर्किएका हुन् । मंगलवार दिउँसो बबरमहलस्थित कार्की पार्टी प्यालेसमा पुगेर स्थायी कमिटी बैठकमा बसेका महासेठ केन्द्रीय कमिटी बैठकमा भने थिएनन् ।

स्थायी कमिटीमा बसेर निस्केका महासेठ केन्द्रीय कमिटीले केपी ओलीलाई अध्यक्षबाट हटाउने निर्णय गर्दासम्म नआएको र उनले माइन्युटमा हस्ताक्षर पनि गरेनन् । महासेठ हिजै साँझ प्रधानमन्त्री निवास बालुवाटार पुगेर गुटमा फर्किएको बताएका हुन् । प्रधानमन्त्रीसँग कुरा गरिसकेपछि उनी आज प्रदेश २ को प्रशिक्षणमा वक्ताका रुपमा राखिएका छन् ।