प्रचण्ड संसदीय दलको नेता बन्दै

८ पुष, काठमाडौं । पुष्पकमल दाहाल ‘प्रचण्ड’ र माधवकुमार नेपाल अध्यक्ष रहेको नेकपाको संसदीय दलले आज नयाँ नेता चयन गर्दैछ । प्रधानमन्त्री केपी ओलीले हठात् रुपमा संसद् विघटन गरेपछि हिजो बसेको केन्द्रीय कमिटीले उनलाई पदमुक्त गरेको हो ।

यसअघि ओली संसदीय दलको नेता रहेकोमा आजको बैठकले प्रचण्डलाई नयाँ नेता चुन्ने तयारी गरेको बताइएकोछ ।  हिजै रिक्त अध्यक्ष पदमा नेता नेपाललाई चयन गरिएको थियो । अब संसदीय दलको नेतामा प्रचण्डलाई सर्वसम्मत रुपमा चयन गरिने नेता जगन्नाथ खतिवडाले बताए ।

अहिले दिउँसो १ बजे नयाँ बानेश्वरस्थित संसद् भवनमा दलको बैठक बस्दैछ । हाल ९० निवर्तमान सांसद् प्रचण्ड – नेपाल पक्षमा रहेका छन् ।
यसअघि गएको पुष ५ गते संसद् सचिवालयमा दर्ता गरिएको अविश्वास प्रस्तावमा समेत भावी प्रधानमन्त्रीका रुपमा प्रचण्डको नाम प्रस्ताव गरिएको थियो ।