संसद बैठक बोलाउन सभामुखलाई जसपाको आग्रह

९ पुष, काठमाडौं । जनता समाजवादी पार्टी जसपाले प्रतिनिधिसभाको बैठक आह्वान गर्न सभामुख अग्निप्रसाद सापकोटालाई आग्रह गरेको छ । बिहीबार जसपाका नेताहरुले सभामुख सापकोटालाई भेटी प्रधानमन्त्रीलाई संसद विघटनको अधिकार संविधानले नदिएको र संसद जीवित रहेको भन्दै बैठक आह्वान गर्न आग्रह गरेका हुन् ।

भेटपछि नेता लक्ष्मणलाल कर्णले भने सभामुखलाई सार्वभौम संसद बोलाउन आग्रह गरेको बताए । भेटमा जसपा संघीय परिषद अध्यक्ष डा. बाबुराम भट्टराई, अध्यक्ष उपेन्द्र यादव, लक्ष्मणलाल कर्ण सहभागी थिए । प्रधानमन्त्रीले संसद विघटन गर्ने अधिकार नभएको भन्दै कानुनविदले संसद जिवितै रहेको धारणा राखेका छन् । सोही अनुसार जसपाले सभामुखलाई संसद बैठक बोलाउन आग्रह गरेको हो ।