पाँच महिनामै १८ अर्बको चामल आयात

१० पुष, काठमाडौं । पाँच महिनामै ३३ अर्ब ३ करोड ९३ लाख ५४ हजार रुपैयाँको खाद्यान्न ‘चामल, गहुँ, मकै, कोदो, जौ’ आयात हुँदा १८ अर्ब रुपैयाँको चामलमात्र आयात भएको छ । चार महिनामा २५ अर्ब रुपैयाँको खाद्यान्न आयात भएको थियो ।

कृषिप्रधान मुलुक नेपालले स्थानीय उत्पादनले माग धान्न नसकेपछि सो परिणाममा चामल आयात गरेको हो । स्थानीय उत्पादनले माग धान्न नसकेपछि १८ अर्ब १९ करोड ६५ लाख ९५ हजार रुपैयाँ बराबरको चामल आयात भएको विभागको तथ्यांक छ । भारतबाट चामल आयात भएको छ ।

कार्तिक महिनासम्म १३ अर्ब रुपैयाँको आयात भएको थियो । एक महिनामा पाँच अर्ब रुपैयाँ बढीको आयात भएको छ । सरकारले खाद्यान्नमा मुलुक आत्मनिर्भर बन्नका लागि विभिन्न कार्यक्रम सञ्चालन गरे पनि स्थानीय उत्पादनले माग धान्न सकेपछि ठूलो परिमाणमा चामल आयात भएको हो ।

३