९ जना नवनियुक्त मन्त्रीले लिए शपथ, खेलकुदमन्त्री विश्वकर्मा र राज्यमन्त्री दुगड बर्खास्त

१० पुष, काठमाडौं । प्रधानमन्त्री केपी शर्मा ओलीले शुक्रबार मन्त्रिपरिषद विस्तार गरेका छन् । आठ जना मन्त्री थपिदा प्रधानमन्त्री ओलीले एक जना मन्त्री र राज्यमन्त्री बर्खास्त गरेका छन् ।

संसद विघटन गरेपछि राजीनामा दिएका ९ जना मन्त्रीको ठाउँमा प्रधानमन्त्री ओलीले नयाँ मन्त्री नियुक्त गरेका हुन् । नयाँ मन्त्रीमा टोपबहादुर रायमाझी उर्जामन्त्री बनेका छन् । यस्तै मणि थापा खानेपानी मन्त्री बनेका छन् ।

प्रभु साह शहरी विकासमन्त्री बन्दा प्रेम आले वनमन्त्री बनेका छन् । यस्तै गणेश गणेश ठगुन्ना सामान्य प्रशासनमन्त्री बन्दा गौरी शंकर चौधरी श्रममन्त्री बनेका छन् । यस्तै दावा लामा युवा तथा खेलकुदमन्त्री बनेका छन् । जुली कुमारी महतो भने महिला तथा बालबालिकामन्त्री बन्दा विमला विश्वकर्मा उद्योग राज्यमन्त्री बनेका छन् ।

अहिले स्वस्थ्य मन्त्री रहेका भानुभक्त ढकाल पर्यटनमन्त्री बनेका छन् । यस्तै हृदयेश त्रिपाठी स्वास्थ्य मन्त्री बनेका छन् । लीलानाथ श्रेष्ठ भने कानूनमन्त्री बनेका छन् । शिवमाया तुम्बाहाङ्फे भूमिसुधार मन्त्री बन्दा पद्मा अर्याल कृषि मन्त्री बनेकी छिन् । तुम्बाहाम्फे यसअघि कानुनमन्त्री रहेकी थिइन् भने पद्मा भूमिसुधार मन्त्री थिइन् ।

यस्तै कृष्ण गोपाल श्रेष्ठ शिक्षा मन्त्री बनेका छन् । प्रधानमन्त्री ओलीले युवा तथा खेलकुदमन्त्री जगत विश्वकर्मा र उद्योग राज्यमन्त्री मोती दुगडलाई बर्खास्त गरेका छन् ।

थपिएका र जिम्मेवारी हेरफेर भएका मन्त्री
टोपबहादुर रायमाझी-ऊर्जा
मणि थापा- खानेपानी
प्रभु साह- सहरी विकास
प्रेम आले- वन
गणेश ठगुन्ना- सामान्य प्रशासन
गौरीशंकर चौधरी- श्रम
दावा लामा- युवा तथा खेलकुद
जुलीकुमारी महतो- महिला, बालबालिका
विमला विश्वकर्मा- उद्योग राज्यमन्त्री
भानुभक्त ढकाल- पर्यटन  (जिम्मेवारी हेरफेर)
हृदयेश त्रिपाठी- स्वास्थ्य  (जिम्मेवारी हेरफेर)
लीलानाथ श्रेष्ठ- कानुन (जिम्मेवारी हेरफेर)
शिवमाया तुम्बाहाङ्फे- भूमिसुधार (जिम्मेवारी हेरफेर)
पद्मा अर्याल- कृषि (जिम्मेवारी हेरफेर)
कृष्णगोपाल श्रेष्ठ- शिक्षा (जिम्मेवारी हेरफेर)